Via paĝo estas tre interesa! [Esperantolando: http://nswiki.net/index.php?title=Esperantolando] Mi ankaŭ havas landon pluvan kaj arbaran, sed Umujo estas limata de montegoj. Ĉu la aliaj mikromondoj kie vi estas enregistrata bone vivas? Ili sendube uzas la anglan ĉu ? Jen proponoj por via mondo, kiujn vi povas rifuzi aŭ akcepti, laŭvole. Vi povas respondi en la angla, la franca, aŭ en Esperanto.
---
Ho mesaĝisto, bv transe de la montegaroj alporti kaj enmanen doni tiun ĉi leteron
el Nemetoŭitario, sekretario de la rilatoj kun Esperantolando,
al Sinjoro la Ministro de la Ekstera Komerco de Esperantolando kaj
al Sinjoro la Ĝenerala Sekretario je la Enmigrado kaj Integriĝo en Esperantolando!
Ho Samideanoj Ministro kaj Ĝenerala Sekretario!
dank'al la aŭgure konita protekto far la dio Ogmio
Umujo-lando salutas vin kaj viajn praulojn!
Bonvolu studi la sekvantajn aferojn, ni petas al vi en la internacia lingvo Esperanto.
1. Grava peto por komerco:
Umujo proponas interŝanĝi juvelŝtonojn k peltaĵoj kontraŭ infanskollibroj, eksplodaĵojn (por konstrui ŝoseon en la monto) k porinfanajn medicinaĵojn.
1. Demando pri enmigrado en Esperandolando:
Kiu estas la politiko de Esperantolando relative al tiuj el ni kiuj venas en vian modernan landon, ĉu oni devas ilin malinstigi veni aŭ ĉu ili estas bonvenaj? Ĉu ili trovas bonan lokon por vivi? [vd noton ĉi sube]
Fino.
---
[Noto: Pri enmigradon en Esperantolando, la umujanoj estas nur kelkaj sed konstantaj kandidatoj. Precipe iujn malbonajn sezonojn aŭ jarojn, ili venas al (trans) la landlimoj sen legitimiloj: sen pasporto nek iu ajn identiga karto. Ili plejparte eĉ ne konas lingvon alian ol la umujojeĥta. Tre rare unu el ili parolas Esperanton aŭ la francan. Ili kompreneble ne havas diplomojn nek instruadon. Plejparte ili ne scias legi. Ili nur konis tre arkaikan vivmanieron.
Ili do ve estas bonaj kandidatoj por plimultigi la plej senkulturigitajn ĉifonistajn mizerulojn de la urboj (alinome subproletaron, 'lumpenproletariat').
Sed post unu generacio, tiu problemo povas tute solviĝi, se via lando havas socian akceptemon de tia popolo. Alie, tiu enmigrado, se vi ĝin jesas, povus iom post iom favori ekrasismon, se ekz. vi havas ekomnomiajn malfacilaĵojn.
Ili facile povas tradicie k naturrespekte vivi en ĉasaĵabundaj arbaroj.
Pri religio, la umujanoj povas facile konvertiĝi.
Relative al la militista servado, ili estas tre kuraĝaj militistoj, sed emas batali laŭvole, bezonas esti disciplinigataj. Ili ĉiam respektas promeson faritan al ilia ĉefo, kaj ne uzas mensogojn, do iuj el ili povas rapide diveni anoj de via persona gardistaro.
Ili povas esti ankaŭ uzataj por servi en Umujo la interesojn de via lando, kiel viaj agentoj aŭ dungitoj de viaj kompanioj.]
